യു ഡി എഫിനെ വെട്ടിലാക്കി ചെന്നിത്തലക്കെതിരെ ഗുരുതര ആരോപണവുമായി ബിജു രമേശ്; പണത്തിനു വേണ്ടി ചെന്നിത്തല എന്തും ചെയ്യും; ചെന്നിത്തലയുടെ പേര് പറയാതിരിക്കാന്‍ ഭാര്യയെക്കൊണ്ട് എന്നെ വിളിപ്പിച്ചു: ബിജു രമേശ്
ബാർ കോഴ കേസിൽ രഹസ്യമൊഴി നൽകാതിരിക്കാൻ അന്ന്‌ ആഭ്യന്തര മന്ത്രിയായിരുന്ന രമേശ് ചെന്നിത്തലയും ഭാര്യയും തന്നെ വിളിച്ചു അഭ്യർഥിച്ചുവെന്നും അതിനാലാണ്‌ അന്ന്‌ ചെന്നിത്തലയുടെ പേർ പറയാതിരുന്നതെന്നും ബാർ അസോസിയേഷൻ നേതാവ്‌ ബിജു രമേശ്.
പണത്തിനു വേണ്ടി ചെന്നിത്തല എന്തും ചെയ്യും.
ചെന്നിത്തലയ്‌ക്ക്‌ ഒരു കോടിരൂപയും മന്ത്രിമാരായിരുന്ന കെ ബാബു, വി എസ്‌ ശിവകുമാർ എന്നിവർക്കും 50ലക്ഷവും 25ലക്ഷവും വീതം കോഴ നൽകിയെന്ന പരാതിയിൽ ഉറച്ചുനിൽക്കുന്നതായും ബിജു രമേശ് വാർത്താസമ്മേളനത്തിൽ പറഞ്ഞു. കെ ബാബുവിന്റെ പിന്നിലുള്ളത്‌ ഉമ്മൻചാണ്ടിയാണെന്നും ബിജു രമേശ് പറഞ്ഞു. ഓരോ തവണ പണം വാങ്ങുമ്പോഴും ഉമ്മൻ ചാണ്ടി പറഞ്ഞിട്ടാണെന്ന്‌ ബാബു പറയുമായിരുന്നു.
യുഡിഎഫ്‌ സർക്കാരിന്റെ കാലത്ത്‌ ബാർകോഴ പുറത്തുവന്നപ്പോൾ ചെന്നിത്തലയുടെ ഭാര്യയാണ്‌ വിളിച്ചത്‌. ഗൺമാന്റെ ഫോണിൽനിന്നാണ്‌ വിളിച്ചത്‌. ചെന്നിത്തല ഒരു പാട്‌ അസുഖമൊക്കെയ...
