One Nation One Election ‘ഒരു രാജ്യം, ഒരു തെരഞ്ഞെടുപ്പ്’ എന്ന സംഘപരിവാർ അജൻഡയുമായി മുന്നോട്ടുപോകാനുള്ള മോദി സർക്കാരിന്റെ നീക്കം അപ്രായോഗികമെന്ന്‌ വിലയിരുത്തൽ. വികസനപ്രവർത്തനങ്ങൾക്ക്‌ തടസ്സമുണ്ടാകാതിരിക്കൽ, ചെലവുചുരുക്കൽ തുടങ്ങിയ ന്യായങ്ങളാണ്‌ ലോക്‌സഭാ തെരഞ്ഞെടുപ്പും സംസ്ഥാന നിയമസഭാ തെരഞ്ഞെടുപ്പും ഒന്നിച്ചുനടത്തുന്നതിനായി ഇവർ മുന്നോട്ടുവയ്‌ക്കുന്നത്‌.
‘ഒരു രാജ്യം, ഒരു തെരഞ്ഞെടുപ്പ്’ എന്ന ആശയം നടപ്പാക്കണമെങ്കിൽ അഞ്ച്‌ ഭരണഘടനാ ഭേദഗതികൾ ആവശ്യമാണ്‌. ലോക്‌സഭയുടെ കാലാവധി അഞ്ചുവർഷത്തിനപ്പുറത്തേക്ക്‌ പോകരുത്‌, എന്നാൽ, അതിനുമുമ്പായി പിരിച്ചുവിടാമെന്ന്‌ വ്യവസ്ഥ ചെയ്യുന്ന അനുച്ഛേദം 83 (2)ലാണ്‌ ആദ്യം മാറ്റംവേണ്ടത്‌. സമാനമായി 82 (2), 172 (1), 174 (2) (ബി), 356 എന്നീ അനുച്ഛേദങ്ങളിലും ഭേദഗതി ആവശ്യമാണ്‌. ഇരുസഭയിലും മൂന്നിൽരണ്ട്‌ ഭൂരിപക്ഷം ഭരണഘടനാ ഭേദഗതിക്ക്‌ വേണം. പകുതിയോളം സംസ്ഥാന നിയമസഭകൾ പ്രമേയത്തിലൂടെ ഭരണഘടനാ ഭേദഗതികൾ അംഗീകരിക്കണം.
നിലവിൽ സമിതി രൂപീകരണം മാത്രമാണ്‌ ‘ഒരു രാജ്യം, ഒരു തെരഞ്ഞെടുപ്പ്’ വിഷയത്തിൽ നടന്നിട്ടുള്ളത്‌. സമിതി കൂടിയാലോചനകൾക്കുശേഷം റിപ്പോർട്ട്‌ സമർപ്പിക്കുന്നതിന്‌ സമയം ആവശ്യമാണ്‌.
തുടർന്നേ ഭരണഘടനാ ഭേദഗതി ബില്ലിന്‌ രൂപംനൽകാനാകൂ. അതിനാൽ പ്രത്യേക പാർലമെന്റ്‌ സമ്മേളനത്തിന്റെ അജൻഡ ‘ഒരു രാജ്യം, ഒരു തെരഞ്ഞെടുപ്പ്’ ആകാൻ സാധ്യത കുറവാണ്‌. എന്നാൽ, മണിപ്പുർ കലാപം, അദാനി തട്ടിപ്പ്‌ വിഷയങ്ങളിൽനിന്ന്‌ തന്ത്രപൂർവം ജനശ്രദ്ധ തിരിക്കാൻ ഇത്തരം വിഷയങ്ങൾ ഉയർത്തിയേക്കും.
Related Posts
നിർദ്ദിഷ്ട അങ്കമാലി-എരുമേലി ശബരി പാതയിൽ കേന്ദ്ര സർക്കാരിന്റെ പുതിയ നീക്കം
വോട്ടെണ്ണൽ ക്രമീകരണങ്ങൾ പൂർത്തിയായി; പുതുപ്പള്ളി തെരഞ്ഞെടുപ്പ് ഫലം നാളെ Puthupally Election
മോദി സര്‍ക്കാരിന്റെ വികസനത്തിലൂന്നിയാകും പ്രചാരണം; മിത്ത് വിവാദം പുതുപ്പള്ളിയിലുയര്‍ത്തുമെന്ന് കെ സുരേന്ദ്രന്‍ Surendran BJP
രാജസ്ഥാൻ സർക്കാരിന്റെ കൗണ്ട്ഡൗൺ ആരംഭിച്ചു’; പ്രധാനമന്ത്രി
ഇന്ന് ഗാന്ധി ജയന്തി:മഹാത്മാവിന് ആദരമര്‍പ്പിച്ച് രാജ്യം Gandhi Jayanti
സ്വന്തം നിലയ്ക്ക് കോവിഡ് വാക്സിൻ വികസിപ്പിക്കുമെന്ന് പ്രഖ്യാപിച്ച കേരള സർക്കാരിന് തിരിച്ചടി ആയി ഉന്നത സമിതിയുടെ പ്രാഥമിക വിലയിരുത്തൽ
ഡീസല്‍ വാഹനവില കൂട്ടാന്‍ നീക്കം; 10% അധിക നികുതി നിര്‍ദേശിച്ച് ഗഡ്കരി Gadkari
കേരളത്തില്‍ നവംബര്‍ 13 ന് ഉപതെരഞ്ഞെടുപ്പ്; മഹാരാഷ്ട്രയിലും ജാര്‍ഖണ്ഡിലും തെരഞ്ഞെടുപ്പ് തീയതിയായി