ഗിൽ ഷോ തുണച്ചില്ല: ബംഗ്ലാദേശിനെതിരെ ഇന്ത്യയ്ക്ക് തോൽവി Asia Cup 2023

Asia Cup 2023 ഏ​ഷ്യാ ക​പ്പ് സൂ​പ്പ​ര്‍ ഫോ​ര്‍ പോ​രാ​ട്ട​ത്തി​ല്‍ ഇന്ത്യയ്‌ക്കെതിരെ ബംഗ്ലാദേശിന് 6 റൺസ് ജയം. ഇന്ത്യയുടെ ബാറ്റിംഗ് തകർച്ചയാണ് പരാജയത്തിന് കരണമായത്. ആ​ദ്യം ബാ​റ്റ് ചെ​യ്ത ബം​ഗ്ലാ​ദേ​ശ് 50 ഓ​വ​റി​ല്‍ എ​ട്ട് വി​ക്ക​റ്റ് ന​ഷ്ട​ത്തി​ല്‍ 265 റ​ണ്‍സെ​ടു​ത്തു. മറുപടി ബാറ്റിംഗിന് ഇറങ്ങിയ ഇന്ത്യ 49.5 ഓവറിൽ 259 റൺസിൽ എല്ലാരും പുറത്തായി.

Also Read : https://www.bharathasabdham.com/nipah-virus-nipah-has-been-confirmed-in-one-more-person-in-kozhikode/

ഇ​ന്ത്യ​ക്ക് തു​ട​ക്ക​ത്തി​ലെ ത​ക​ര്‍ച്ച നേ​രി​ട്ടു. 17 റ​ണ്‍സെ​ടു​ക്കു​ന്ന​തി​നി​ടെ, നാ​യ​ക​ന്‍ രോ​ഹി​ത് ശ​ര്‍മ​യെ​യും (0) തി​ല​ക് വ​ര്‍മ​യെ​യും (5) ബം​ഗ്ലാ​ദേ​ശ് പു​റ​ത്താ​ക്കി. ക്രീ​സി​ല്‍ ശു​ഭ്മ​ന്‍ ഗിൽ പതിഞ്ഞ താളത്തിലാണ് കളി ആരംഭിച്ചത്. എന്നാൽ മറുവശത്ത് ഇന്ത്യൻ ബാറ്റർമാരുടെ കൊഴിഞ്ഞുപോക്ക് തടയാനായില്ല. പതിനെട്ടാം ഓവറിൽ കെ.​എ​ല്‍. രാ​ഹു​ലിനെ നഷ്ടമായതോടെ ഇന്ത്യ പതറുന്ന കാഴ്ചയാണ് കണ്ടത്. ഇഷാൻ കിഷനും വന്നതുപോലെ തിരിച്ചുപോയി.

ഗില്ലിന് കൂട്ടായി സൂര്യകുമാർ എത്തിയതോടെ സ്കോർ ബോർഡിന് ചലനം സംഭവിച്ചു. സൂക്ഷ്മതയോടെ കളിച്ച ഇരുവരും നല്ലൊരു പാർട്ണർഷിപ് പടുത്തുയർത്തുമ്പോഴേക്കും ഷക്കിബ് സൂര്യകുമാറിനെ വീഴ്ത്തി ബം​ഗ്ലാ​ദേശിന് ബ്രേക്ക്ത്രൂ നൽകി.

വമ്പൻ അടികൾക്കു ശ്രമിച്ച് രവീന്ദ്ര ജഡേജയും ഡഗൗട്ടിലേക്ക്7 മടങ്ങി. പിന്നീട് എത്തിയ അക്സർ പട്ടേൽ മികച്ച തുടക്കം നൽകി അപ്പോഴേക്കും ഗിൽ ഏഷ്യ കപ്പിലെ തൻ്റെ ആദ്യ സെഞ്ചുറി നേടിക്കഴിഞ്ഞിരുന്നു. തികച്ചുമൊരു വൺ മാൻ ഷോ എന്ന് തോന്നിക്കും വിധമായിരുന്നു ഗില്ലിൻ്റെ പ്രകടനം. മഹേദി ഹസൻ എറിഞ്ഞ നാൽപത്തി നാലാം ഓവറിൽ ഗിൽ(133 പന്തിൽ 122) ബൗണ്ടറിയിലേക്ക് നീട്ടി അടിച്ച പന്ത് തൻസിം ഹസൻ കൈപ്പിടിയിലൊതുക്കി.

Also Read : https://www.bharathasabdham.com/high-court-says-no-saffron-flag-in-temple-premises-they-are-beacons-of-spirituality-and-peace/

അക്സർ മറുവശത്ത് നിലയുറപ്പിച്ചു. ഗില്ലിനു വിക്കറ്റിനു ശേഷമെത്തിയ ശാർദുൽ താക്കൂർ അക്സറുമായി മികച്ച കൂട്ടുകെട്ട് ഉയർത്തുകയായിരുന്നു. ജയത്തിനരികെ നിൽക്കേ മുസ്തഫിസുർ റഹ്മാൻ ശാർദുൽ താക്കൂറിനെ(13 പന്തിൽ 11) വീഴ്ത്തി. ഇത് ഇന്ത്യയെ സമ്മർദ്ദത്തിലാക്കി. അതേ ഓവറിൽ അക്സറിനെയും(34 പന്തിൽ 42) നഷ്ടമായതോടെ ബംഗ്ലാദേശ് വിജയം ഉറപ്പിക്കുകയായിരുന്നു. അവസാന ഓവറിൽ ഷമിയും, പ്രസിദ് കൃഷ്‌ണയും പരിശ്രമിച്ചെങ്കിലും ഓൾ ഔട്ട് ആവുകയായിരുന്നു.

മുസ്തഫിസുർ റഹ്മാൻ 3 വിക്കറ്റ് നേടിയപ്പോൾ തൻസിം ഹസൻ സാക്കിബ്, മഹേദി ഹസൻ, എന്നിവർ രണ്ടു വിക്കറ്റ് വീതം വീഴ്ത്തി.

നേ​ര​ത്തെ, ടോ​സ് ന​ഷ്ട​മാ​യി ആ​ദ്യം ബാ​റ്റ് ചെ​യ്ത ബം​ഗ്ലാ​ദേ​ശി​നെ ക്യാ​പ്റ്റ​ന്‍ ഷാ​ക്കി​ബ് അ​ല്‍ ഹ​സ​നും തൗ​ഹി​ദ് ഹൃ​ദോ​യി​യും നേ​ടി​യ അ​ര്‍ധ​സെ​ഞ്ചു​റി​ക​ളാ​ണ് മി​ക​ച്ച സ്കോ​റി​ലെ​ത്തി​ച്ച​ത്. മൂ​ന്ന് വി​ക്ക​റ്റെ​ടു​ത്ത ഷാ​ര്‍ദ്ദു​ല്‍ താ​ക്കൂ​റും ര​ണ്ട് വി​ക്ക​റ്റെ​ടു​ത്ത മു​ഹ​മ്മ​ദ് ഷ​മി​യും ഇ​ന്ത്യ​ക്കു വേ​ണ്ടി മി​ക​ച്ച പ്ര​ക​ട​നം പു​റ​ത്തെ​ടു​ത്തു.

Also Read : https://www.bharathasabdham.com/nipah-a-net-will-be-spread-to-catch-the-bats-and-the-central-team-will-conduct-an-inspection-at-maruthongara/

ടോ​സി​ലെ ന​ഷ്ട​പ്പെ​ട്ട് ക്രീ​സി​ലെ​ത്തി​യ ബം​ഗ്ലാ​ദേ​ശി​ന് തു​ട​ക്ക​ത്തി​ലേ വി​ക്ക​റ്റു​ക​ള്‍ നി​ലം​പ​തി​ച്ചു. മൂ​ന്നാം ഓ​വ​റി​ല്‍ ത​ന്നെ ലി​റ്റ​ണ്‍ ദാ​സി​നെ(0) മ​നോ​ഹ​ര​മാ​യൊ​രു ഇ​ന്‍സ്വി​ങ്ങ​റി​ല്‍ മു​ഹ​മ്മ​ദ് ഷ​മി ക്ലീ​ന്‍ ബൗ​ള്‍ഡാ​ക്കി. നാ​ലാം ഓ​വ​റി​ലെ ആ​ദ്യ പ​ന്തി​ല്‍ ഷാ​ര്‍ദ്ദു​ല്‍ താ​ന്‍സി​ദ് ഹൗ​സൈ​നെ​യും(13) ആ​റാം ഓ​വ​റി​ല്‍ അ​നാ​മു​ള്‍ ഹ​ഖി​നെ​യും(4) മ​ട​ക്കി​യ​തോ​ടെ ബം​ഗ്ലാ​ദേ​ശ് പ​രു​ങ്ങ​ലി​ലാ​യി. ഷാ​ക്കി​ബി​നൊ​പ്പം പി​ടി​ച്ചു നി​ല്‍ക്കാ​ന്‍ ശ്ര​മി​ച്ച മെ​ഹ്ദി ഹ​സ​ന്‍ മി​റാ​സി​നെ(13) അ​ക്സ​റും മ​ട​ക്കി​തോ​ടെ ബം​ഗ്ലാ​ദേ​ശ് നാ​ലി​ന് 59 എ​ന്ന നി​ല​യി​ലേ​ക്കു വീ​ണു.

അ​ഞ്ചാം വി​ക്ക​റ്റി​ല്‍ ഷാ​ക്കി​ബും ഹൃ​ദോ​യി​യും ചേ​ര്‍ന്ന് ബം​ഗ്ലാ​ദേ​ശി​നെ ക​ര​ക​യ​റ്റു​ന്ന കാ​ഴ്ച​യാ​ണ് പി​ന്നീ​ട് ക​ണ്ട​ത്.

അ​ഞ്ചാം വി​ക്ക​റ്റി​ല്‍ ഇ​രു​വ​രും ചേ​ര്‍ന്ന് 101 റ​ണ്‍സി​ന്‍റെ കൂ​ട്ടു​കെ​ട്ടു​ണ്ടാ​ക്കി. ഈ ​കൂ​ട്ടു​കെ​ട്ടാ​ണ് ബം​ഗ്ലാ​ദേ​ശി​ന് ക​രു​ത്താ​യ​ത്. സെ​ഞ്ചു​റി​യി​ലേ​ക്ക് കു​തി​ച്ച ഷാ​ക്കി​ബി​നെ(80) ശാ​ര്‍ദു​ല്‍ താ​ക്കു​ര്‍ പു​റ​ത്താ​ക്കി. ഷാ​ക്കി​ബ് പു​റ​ത്താ​യി​ല്ലെ​ങ്കി​ല്‍ ബം​ഗ്ലാ ക​ടു​വ​ക​ള്‍ മു​ന്നൂ​റി​ന​പ്പു​റ​ത്തേ​ക്കു പോ​കു​മാ​യി​രു​ന്നു.

അ​ധി​കം താ​മ​സി​യാ​തെ ഹൃ​ദോ​യി​യെ (54) മു​ഹ​മ്മ​ദ് ഷ​മി​യും പു​റ​ത്താ​ക്കി. ഇ​തോ​ടെ ബം​ഗ്ലാ​ദേ​ശ് വേ​ഗ​ത്തി​ല്‍ പു​റ​ത്താ​കു​മെ​ന്നു തോ​ന്നി​പ്പി​ച്ചു. എ​ന്നാ​ല്‍, വാ​ല​റ്റ​ത്ത് നാ​സും അ​ഹ​മ്മ​ദും(44) മെ​ഹ്ദി ഹ​സ​നും(23 പ​ന്തി​ല്‍ 29), ത​ന്‍സിം ഹ​സ​ന്‍ ഷാ​ക്കി​ബും(​എ​ട്ട് പ​ന്തി​ല്‍ 14) ചേ​ര്‍ന്ന് ബം​ഗ്ലാ​ദേ​ശി​നെ മി​ക​ച്ച സ്കോ​റി​ലെ​ത്തി​ച്ചു. ഇ​ന്ത്യ​ക്കാ​യി താ​ക്കൂ​ര്‍ 65 റ​ണ്‍സി​ന് മൂ​ന്ന് വി​ക്ക​റ്റെ​ടു​ത്ത​പ്പോ​ള്‍ ഷ​മി 32 റ​ണ്‍സി​ന് ര​ണ്ട് വി​ക്ക​റ്റെ​ടു​ത്തു. പ്ര​സി​ദ്ധ് കൃ​ഷ്ണ​യും അ​ക്സ​ര്‍ പ​ട്ടേ​ലും ര​വീ​ന്ദ്ര ജ​ഡേ​ജ​യും ഓ​രോ വി​ക്ക​റ്റ് വീ​തം വീ​ഴ്ത്തി. ഇ​ന്ത്യ നേ​ര​ത്തെ ത​ന്നെ ഏ​ഷ്യാ ക​പ്പ് ഫൈ​ന​ല്‍ ഉ​റ​പ്പി​ച്ചി​രു​ന്നു.

നേ​ര​ത്തെ, കൊ​ളം​ബൊ, പ്രേ​മ​ദാ​സ സ്റ്റേ​ഡി​യ​ത്തി​ല്‍ ടോ​സ് നേ​ടി​യ ഇ​ന്ത്യ​ന്‍ ക്യാ​പ്റ്റ​ന്‍ രോ​ഹി​ത് ശ​ര്‍മ ബൗ​ളിം​ഗ് തി​ര​ഞ്ഞെ​ടു​ക്കു​ക​യാ​യി​രു​ന്നു. മ​ത്സ​രം അ​പ്ര​സ​ക്ത​മാ​യ​തി​നാ​ല്‍ ടീ​മി​ല്‍ അ​ഞ്ച് മാ​റ്റ​ങ്ങ​ളു​മാ​യാ​ണ് ഇ​ന്ത്യ ഇ​റ​ങ്ങി​യ​ത്. ഇ​ന്ത്യ​ക്ക് വേ​ണ്ടി തി​ല​ക് വ​ര്‍മ ഏ​ക​ദി​ന അ​ര​ങ്ങേ​റ്റം ന​ട​ത്തി. മു​ഹ​മ്മ​ദ് ഷ​മി, പ്ര​സി​ദ്ധ് കൃ​ഷ്ണ, സൂ​ര്യ​കു​മാ​ര്‍ യാ​ദ​വ്, ഷാ​ര്‍ദു​ല്‍ താ​ക്കൂ​ര്‍ എ​ന്നി​വ​രും ടീ​മി​ലെ​ത്തി. കോ​ലി, ഹാ​ര്‍ദി​ക് പാ​ണ്ഡ്യ, മു​ഹ​മ്മ​ദ് സി​റാ​ജ്, ജ​സ്പ്രി​ത് ബു​മ്ര, കു​ല്‍ദീ​പ് യാ​ദ​വ് എ​ന്നി​വ​ര്‍ക്ക് വി​ശ്ര​മം അ​നു​വ​ദി​ച്ചു. ഞായറാഴ്‌ച ഇന്ത്യ ശ്രീലങ്കയെ ഫൈനലിൽ നേരിടും.